242               TESTAMENTS ENREGISTRÉS AU PARLEMENT DE PARIS             (482)
ejusdem Domini miliesimo cccc0 octavo ante Pascba, indicione secunda, rnensis vero march' die xxva, ab electione Petri de Luna in Papam electi qui dudum Benedictus decimus tercius dicebatur, anno xv°, in mei no-tarii publici et testium infrascriptorum presencia, honorabilis et nobiïis domicella Dalphina, uxor venerabilis et discreti viri, magistri Philippi Vilate, procuratoris in Parlamento, suum ultimum condidit testamen-tum seu ultimam voluntatem in modum qui sequitur :
C'est le testament ou derreniere volenté que fait damoiselle Dal-phine, femme de maistre Phelippe Vilate, procureur en Parlement, de­mourant en la parroisse Saint Benoist et rue Pierre Sarrazin, le lundi jour de l'Aimunciacion Nostre Dame, xxvede mars, l'an mil cccc et huit avant Pasques.
Premierement, la dicte damoiselle, ou cas que Nostre Seigneur Jhesu Crist vouldra faire sa voulenté d'elle, recommande son ame à Dieu le Pere, sa benoîte Vierge Mere, monseigneur saint Michiel l'angle et à toute la court de Paradis, et pour ordonner aucunement des biens que Dieu lui a envoyez et prestez en ce monde, a voulu et veult que son corps soit mis et enterré en l'eglise des Freres Mineurs à Paris, en tel lieu et place qu'il plaira aux gardien et freres d'icellui convent et au dit maistre Phelippe.
Item, a retenu de son dot à lui constitué en son mariage, pour son ame, la somme de cent frans, iesquelx elle a voulu estre donnez pour Dieu en la maniere qui s'ensuit : primo, cinquante frans à la dicte eglise et convent des Freres Mineurs à Paris, et leur prie et requiert qu'ilz vueillent dire messes et faire autres biens pour son dit ame, ainsi comme bon leur semblera, et de ce a bonne conscience en eulx.
Item, a donné et laissié, donne et laisse à l'Ostel Dieu de Paris et aux povres d'icellui vint et cinq frans.
Item, des autres vint cinq frans restans d'icelle somme de cent frans elle laisse et donne à la fabrique de l'eglise monseigneur Saint Benoist vint solz Parisis.
Item, au curé ou au vicaire de la dicte eglise dix solz Parisis.
Item, veult et ordonne que en icelle eglise de Saint Benoist soient